ပရီးမီးယားလိဂ် ကလပ် အာဆင်နယ် အသင်းဟာ လာမယ့် နွေရာသီမှာ အိုင်းယက်စ် အသင်း ရဲ့ ဗဟို နောက်ခံလူ Jorrel Hato ကို ခေါ်ယူဖို့ စိတ်ဝင် စားနေပြီး အဓိက ပစ်မှတ် အဖြစ် သတ်မှတ် ထားတယ်လို့ သတင်းတွေ ထွက်ပေါ် နေပါတယ် ။
အသက် ၁၈ နှစ် အရွယ် Jorrel Hato ဟာ ပြီးခဲ့တဲ့ ရာသီမှာ အိုင်းယက်စ် အသင်း အတွက် စတင် ပွဲထွက်ခွင့် ရခဲ့သူ ဖြစ်ပြီး ဒီရာသီမှာ အသင်း ရဲ့ အဓိက ကစားသမား အဖြစ် ပုံမှန် ပွဲထွက်ခွင့် ရနေသူပါ ။ သူ့ရဲ့ စွမ်းဆောင်ရည်ကောင်းတွေကြောင့် အိုင်းယက်စ် အသင်းဟာ လစာ တိုးပေးပြီး ၂၀၂၈ ခုနှစ် အထိ သက်တမ်း ရှိတဲ့ စာချုပ်သစ် ကို ချုပ်ဆို ခဲ့ပါတယ် ။
အပြောင်းအရွှေ့ဂုရု ဖာဘရစ်ဇီယိုရိုမာနို ကတော့ အာဆင်နယ် အသင်းဟာ နွေရာသီမှာ အိုင်းယက်စ် နောက်ခံလူ Jorrel Hato ကို ခေါ်ယူဖို့ တွန်းအားပေး လုပ်ဆောင်နေကြောင်း Here We Go Podcast မှာ ပြောကြား သွားခဲ့ပါတယ် ။
” အာဆင်နယ် အသင်း က အနာဂတ် အတွက် ကြိုတင် လုပ်ဆောင်နေတဲ့ အသင်းပါ ၊ သူတို့ရဲ့ အကယ်ဒမီမှာ အံ့ဖွယ် ကြယ်ပွင့် ကစားသမားတွေ အများအပြား ရှိနေပါတယ် ။ ဒါပေမဲ့ သူတို့ စောင့်ကြည့်နေတဲ့ ကစားသမားလည်း ရှိပါတယ် ၊ သူက အိုင်းယက်စ် အသင်းမှာ ကစားနေတဲ့ ဗဟို နောက်ခံလူပါ ၊ Jorrel Hato ပေါ့ ။ ”
” Jorrel Hato က ပြီးခဲ့တဲ့လ အနည်းငယ်ကမှ အိုင်းယက်စ် နဲ့ စာချုပ်သစ် ချုပ်ဆို ထားတာပါ ။ အိုင်းယက်စ် ကတော့ သူ့ကို နွေရာသီမှာ ဆက်လက် ထိန်းသိမ်းထားနိုင်ဖို့ မျှော်လင့်ထားပါတယ် ၊ ဒါပေမဲ့ အာဆင်နယ် အသင်းက သူ့ကို ကြိမ်ဖန်များစွာ စောင့်ကြည့်ခဲ့ပြီး ခုထက်ထိ စောင့်ကြည့် နေဆဲပါ ။ အာဆင်နယ် ဘက်က သူ့ကို အလားအလာ သိပ်ကောင်းတဲ့ ဗဟို နောက်ခံလူ အဖြစ် မြင်ထားပါတယ် ။ ”
” ဒါကြောင့် အာဆင်နယ် နှင့် Hato အခြေအနေကို တစ်ချက် ကြည့်ရပါမယ် ။ အာဆင်နယ်က သူတို့ဟာ Hato ကို ခေါ်ဖို့ အခြေအနေ အကောင်းဆုံး အသင်း ဖြစ်တယ်လို့လည်း ယုံကြည်ထားပါတယ် ။ နွေရာသီမှာ သူတို့ ခေါ်နိုင်မလား အနာဂတ်မှာ ခေါ်နိုင်မလား စောင့်ကြည့်ရပါမယ် ၊ သေချာတာကတော့ Hato က အာဆင်နယ် အသင်း ရဲ့ အဓိက ပစ်မှတ်ထဲ ပါဝင် နေတယ် ဆိုတာပါပဲ ။ ” လို့ ပြောကြား သွားခဲ့ပါတယ် ။
SM
