အက်လက်တီကို မက်ဒရစ် နဲ့ ဘာစီလိုနာ အသင်းတို့ဟာ ရီးရဲ ဘက်တစ် အသင်းရဲ့ ကွင်းလယ်လူ ဂွီဒို ရိုဒရီဂွက် ကို ခေါ်ယူဖို့ စိတ်ဝင်စား နေကြတယ်လို့ သိရပါတယ် ။ အာဂျင်တီးနား နဲ့ ကမ္ဘာ့ဖလား အောင်ပွဲ ရယူနိုင်ခဲ့တဲ့ ဂွီဒို ဟာ အခု ရာသီအကုန်မှာ ဘက်တစ် နဲ့ စာချုပ်သက်တမ်း ကုန်ဆုံးမယ့် ကစားသမားလည်း ဖြစ်ပါတယ် ။
ဘာစီလိုနာ အသင်းကတော့ ဆာဂျီယို ဘူးစကွက် ရဲ့ နေရာကို အစားထိုးနိုင်ဖို့ ကွင်းလယ် ကစားသမားသစ်တွေ ထပ်မံ ကင်းထောက် စာရင်းပြုစုနေပါတယ် ။ ဘာဆာ ဒါရိုက်တာ ဒေကို ဟာ ကိုရင်သီယန် အသင်းမှာ ကစားနေတဲ့ အသက် ၁၈ နှစ် အရွယ် ဘရာဇီးကစားသမားလေး ဂါဘီရယ် မော့စကာဒို ကို စိတ်ဝင်စားနေတယ်လို့ ကြားသိရပါတယ် ။
နယူးကာဆယ် အသင်းမှာ ကစားခဲ့ဖူးတဲ့ တိုက်စစ်မှူး ပါပစ် ဆစ်ဆီ ဟာ အင်္ဂလန်ကို ပြန်ရောက်လာခဲ့ပြီး အဆင့် ၇ လိဂ် ကလပ် မကလပ်စ်ဖီးလ် အသင်းနဲ့ အစမ်းလေ့ကျင့်မှု ပြုလုပ်နေတယ်လို့ သိရပါတယ် ။
ရီးရဲ ဘက်တစ် အသင်းကတော့ အခုရာသီမှာ ပုံစံကောင်း ပြသနေတဲ့ ကွင်းလယ်လူ အစ္စကို ကို စာချုပ်သက်တမ်းတိုးဖို့ စီစဉ်နေတယ်လို့ သတင်းကြားသိရပါတယ် ။
ဘိုင်ယန်မြုးနစ် ဒါရိုက်တာ Freud က လီရွိုင်ဆာနေး ရဲ့ နေရာကို အစားထိုးဖို့ ပြင်ဆင်နေတယ်ဆိုတဲ့ သတင်းတွေဟာ မှားယွင်းပါတယ်လို့ ငြင်းဆန်သွားခဲ့ပြီး ဖူလ်ဟမ် ကွင်းလယ်လူ ဖယ်ဟင်ဟာ ကိုလည်း ဘိုင်ယန် အသင်းရဲ့ ပစ်မှတ်အဖြစ် ဆက်လက် စောင့်ကြည့်နေတယ်လို့ ထုတ်ဖော်ပြောဆို သွားခဲ့ ပါတယ် ။
အာဆင်နယ် နဲ့ ဘာစီလိုနာ ကွင်းလယ်လူဟောင်း အဲလက်စ်ဆောင်း ကတော့ ၃၆ နှစ် အရွယ်မှာပဲ ဘောလုံး ကစားတာကနေ အနားယူကြောင်း အသိပေးသွားခဲ့ ပါတယ် ။
ရီးရဲမက်ဒရစ် ဟာ ဘရာဇီး ခံစစ်မှူး မီလီတို ကို စာချုပ်သစ် ချုပ်ဆိုဖို့ လုပ်ဆောင်နေပြီး နောက်ထပ် နှစ်ရှည် စာချုပ် ချုပ်ဆိုသွားမယ်လို့ သိရပါတယ် ။
SPORTS MYANMAR
