မန်ချက်စတာ ယူနိုက်တက် အသင်းဟာ ဒီနေ့ နံနက်မှာပဲ ပရီးမီးယားလိဂ် ပွဲစဥ် 37 အဖြစ် အိုးလ် ထရပ်ဖို့ဒ် မှာ ချဲလ်ဆီး အသင်းနဲ့ ရင်ဆိုင်ခဲ့ရပြီး 4 – 1 ဆိုတဲ့ ရလဒ် နဲ့ အနိုင််ယူကာ အဆင့် 3 နေရာကို တက်လှမ်းနိုင်ခဲ့သလို ချန်ပီိယံလိဂ် ဝင်ခွင့်ပါ ရယူသွားနိုင်ခဲ့ပါတယ် ။
ဒီပွဲမှာတော့ မန်ချက်စတာ ယူနိုက်တက် ကွင်းလယ်လူ ကာစီမီရိုဟာ ပွဲချိန် 6 မိနစ် ကတည်းက အဖွင့်ဂိုး သွင်းယူပြီး အသင်းကို ဦးဆောင်ခွင့် ပေးခဲ့ပါတယ် ။ ဒါ့အပြင် ပွဲချိန် 45+ မိနစ်မှာ မာရှယ်က ဂိုးသွင်းယူပြီး ပထမပိုင်းကို 2 ဂိုးပြတ် ဦးဆောင်စေခဲ့ပါတယ် ။
အဲ့ဒီနောက် ပွဲချိန် 73 မိနစ်မှာ ဘရူနို ဖာနန်ဒက်စ် (pen) ၊ 78 မိနစ််မှာ ရပ်ရှ်ဖို့ တို့က တစ်ဂိုးစီ သွင်းယူရင်း ပွဲစဥ်ကို သေဆုံးစေနိုင်ခဲ့ကြပါတယ် ။ ချဲလ်ဆီး အတွက် တစ်လုံးတည်းသော ဂိုးကိုတော့ ပွဲချိန် 89 မိနစ်မှာ ဂျွာအို ဖဲလစ် က သွင်းယူပေးနိုင်ခဲ့ပါတယ် ။
ပွဲစဥ်ကို ခြုံငုံပြီး ပြောရရင် ချဲလ်ဆီး အသင်းဟာ ဘောလုံံး ပိုင်ဆိုင်မှုကိုသာ အသာစီး ရယူနိုင်ခဲ့ပြီး အဆုံးသတ် စွမ်းရည်ပိုင်းမှာတော့ မန်ချက်စတာ ယူနိုက်တက်လောက် မကောင်းခဲ့တဲ့အတွက် အခုလိုရှုံးနိမ့်ခဲ့ရတာပဲဖြစ်ပါတယ် ။ ဒီပွဲမှ ယူနိုက်တက် ကစားသမားတွေရဲ့ rating ကို ဖော််ပြပေးလိုက်ပါတယ် ။
ဒီဂီယာ (7)
ဂိုးပေါက်ကာကွယ်မှု 4 ကြိမ်အထိ လုပ်ဆောင်နိုင်ခဲ့ပြီး ပုံစံကောင်း ပြသနိုင်ခဲ့ပါတယ် ။ Clean Sheet ရရှိဖို့ နီးစပ််ခဲ့ပေမဲ့ ဖဲလစ်ကြောင့် ပျက်ပြယ်ခဲ့ရပါတယ် ။
ဘစ်ဆာကာ (6)
အန်တိုနီ အတွက် နောက်ကွယ်မှ လုံခြုံမှု ပေးနိုင်ခဲ့ပေမဲ့ ချိတ်ဆက် ကစားပုံ အားရဖွယ် မရှိခဲ့ပါဘူး ။ ဟောလ်ကို အခွင့်အရေး ဖန်တီးမှု 2 ကြိမ် ပေးခဲ့ပါတယ် ။
ဗာရန်း (8)
ပုံမှန် အဆင့်အတန်း တစ်ခုကို ပြသခဲ့ပြန်ပါတယ် ။ သူ့အတွက်တော့ ချဲလ်ဆီး တိုက်စစ်ကို ရင်ဆိုင်ရတာ သိပ်ပြီး မခက်ခဲခဲ့ပါဘူး ။ တည်ငြိမ်စွာ ခုခံနိုင်ခဲ့ပါတယ် ။
လင်ဒီလော့ဖ် (8)
အစောပိုင်း မိနစ်မှာ အနည်းငယ် ပျာနေခဲ့ပေမဲ့ နောက်ပိုင််းမှာတော့ တည်ငြိမ်ခဲ့ပြီး ဗာရန်းနဲ့ အကောင်းဆုံး တွဲဖက် နိုင်ခဲ့ပါတယ် ။
လုခ်ရှော (6)
ခံစစ်မှူးအဖြစ် ကစားနေခဲ့ရတဲ့ ရှောအတွက် ဘယ်ခံစစ် ပြန်ရောက်တဲ့အခါ ကစားပုံ အဆင်မပြေ ဖြစ်ခဲ့ရပြီး ဒု-ပိုင််းမှာ လူစားလဲခံခဲ့ရပါတယ် ။
ကာစီမီရို (9)
ပွဲစဥ်ကို အကောင်းဆုံး ထိန်းချုပ်နိုင်ခဲ့ပြီး အဖွင့်ဂိုးကိုပါ သွင်းယူပေးနိုင်ခဲ့ပါတယ် ။ ဒီပွဲရဲ့ အကောင်းဆုံး ကစားသမားလည်း ဖြစ်ခဲ့ပါတယ် ။
အဲရစ်ဆင် (7)
အဖွင့်ဂိုးကို ဖန်တီးပေးနိုင်ခဲ့ပြီး ကာစီမီရို နဲ့ အကောင်းဆုံး တွဲဖက်ကာ တိုက်စစ်ပိုင်း အသင်းဖော်တွေ အတွက်လည်း အခွင့်အရေး ဖန်တီးပေးနိုင်ခဲ့ပါတယ် ။
အန်တိုနီ (6)
ချာလိုဘတ် ကြောင့် ဒဏ်ရာ ရရှိခဲ့ပြီး စောစီးစွာ လူစားလဲခံခဲ့ရပါတယ် ။ အဲ့ဒီမတိုင်ခင်မှာတော့ ပုံစံကောင်းပြနိုင်ခဲ့ပါတယ် ။
ဘရူနို (7)
အခွင့်အရေး အချို့ကို ဖန်တီးပေးနိုင်ခဲ့ပြီး ပင်နယ်တီကိုလည်း ရရှိစေနိုင်ခဲ့ပါတယ် ။ ဒါ့အပြင် ရရှိခဲ့တဲ့ ပင်နယ်တီကိုလည်း ဂိုးအဖြစ် ပြောင်းလဲနိုင်ခဲ့ပါတယ် ။
ဆန်ချို (6)
ဖန်တီးမှု မလုပ်ခင် အထိ ပွဲစဥ်ရဲ့ အညံ့ဆုံး ကစားသမား ဖြစ်ခဲ့ရပါတယ် ။ ကာစီမီရို ရဲ့ ပေးပို့မှုကို လက်ခံကာ မာရှယ်ဆီ အရောက်ပေးခဲ့ပြီး ဂိုးဖန်တီးနိုင်ခဲ့ကာ ဒုတိယပိုင်းမှာ ပိုကောင်းပြနိုင်ခဲ့ပါတယ် ။
မာရှယ် (6)
ဆန်ချို နည်းတူ ညံ့ခဲ့ပါတယ် ။ ဒါပေမဲ့ ရရှိခဲ့တဲ့ အခွင့်အရေးကိိုတော့ ဂိုးအဖြစ် ပြောင်းနိုင်ခဲ့ပါတယ် ။ ထူးကဲတဲ့ စွမ််းဆောင်ရည်တော့ မပြနိုင်ခဲ့ပါဘူး ။
လူစားဝင် ကစားသမားများ…
ရပ်ရှ်ဖို့ (7)
မာလာစီယာ (6)
ဂါနာချို (7)
ဖရက်ဒ် (7)
တော်မီနေး (6)
#Sports_Myanmar
