ယူနိုက်တက် ဂန္တဝင် ဂယ်ရီ နဗီးလ် ကတော့ ပရီးမီးယားလိဂ် ပြိုင်ပွဲရဲ့ တစ်နှစ်တာ အကောင်းဆုံး အသင်းကို ရွေးချယ််ပေးခဲ့ရာ အသင်းဟောင်းမှ တောင်ပံတိုက်စစ် ကစား သမား ဖြစ်သူ ရပ်ရှ်ဖို့ ၊ လီဗာပူး မှ ဆာလာ တို့ကို ကျော်ပြီး အာဆင်နယ် အသင်းမှ ဆာကာ နဲ့ မာတင်နယ်လီ ကို ရွေးချယ်သွားခဲ့လိုက်ပါတယ် ။
တနင်္လာနေ့က လုပ်ဆောင်ခဲ့ရတဲ့ အစီအစဥ် တင်ဆက်မှု အခန်းကဏ္ဍမှာတော့ ဂယ်ရီ နဗီးလ် နဲ့ ဂျေမီ ကာရေဂါ တို့ဟာ ပရီးမီးယားလိဂ်ရဲ့ တစ်နှစ်တာ အကောင်းဆုံး အသင််းကို ရွေးချယ်ခဲ့ကြရာမှာ သူတို့ရဲ့ အသင်းထဲ ယူနိုက်တက်် ကစားသမား မပါဝင်ခဲ့ရပါဘူး ။
အဲ့ဒီထဲမှာတော့ ယူနိုက်တက် ဂန္တဝင် ဂယ်ရီ နဗီးလ် ဟာ မန်စီးတီး ကစားသမား လေးဦးအထိ ရွေးချယ်သွားခဲ့ပြီး တောင်ပံ တိုက်စစ် နေရာတွေမှာတော့ အာဆင်နယ် အသင််းမှ ဘူကာယို ဆာကာ နဲ့ ဂါဘရီယယ် မာတင်နယ်လီ တို့ကို ရွေးချယ်သွားခဲ့လိုက်ပါတယ် ။
အခုတော့ ဂယ်ရီ နဗီးလ်က မာတင်နယ်လီထက် တစ်ဂိုး ပိုသွင်းထားခဲ့တဲ့ ရပ်ရှ်ဖို့ ၊ ဆာလာ တို့ကို ကျော်ပြီး အာဆင််နယ် စတား နှစ်ဦးကို ရွေးချယ်ခဲ့ရခြင်း အကြောင်းအရင််းက ဒီရာသီမှာ သူတို့ နှစ်ဦးရဲ့ Form ဟာ တကယ့်ကို ကောင်းမွန်ခဲ့လို့ပဲ ဖြစ်ကြောင်း ထုတ်ပြောခဲ့လိုက်ပါတယ် ။
” ဒီရာသီမှာတော့ ပြီးခဲ့တဲ့ ရက်သတ္တပါတ် အနည်းငယ် မတိုင်ခင် အထိ မာတင်နယ်လီ နဲ့ ဆာကာ တို့ရဲ့ Form ဟာ တကယ့်ကို ကောင်းမွန်ခဲ့ရပါတယ် ။ သူတို့နှစ်ဦးရဲ့ ကစားပုံဟာ တကယ့်ကို လက်ဖျားခါလောက်စရာ ကောင်းခဲ့ပြီး မြန်ဆန် သွက်လက်နေခဲ့ရပါတယ် ”
” သူတို့ နှစ်ဦးဟာ ဒီရာသီ ကျွန်တော် မြင်ခဲ့ရတဲ့ထဲ့ အတွဲ အညီဆုံးတွေပါပဲ ။ သူတို့ နှစ်ဦး ၊ အိုဒီဂတ် နဲ့ ဂျေဇု တို့ရဲ့ ကစားပုံဟာ တကယ့်ကိုကြည့်ကောင်းခဲ့ရပါတယ် ။ ဒါပေမဲဲ့ ပြီးခဲ့တဲ့ 4 – 5 ပါတ် အတွင်း အာဆင်နယ်ရဲ့ ကစားပုံ နဲ့ ပတ်သက်လို့ ကျွန်တော် မနှစ်မသက် ဖြစ်ခဲ့ရပါတယ် ”
” အဲ့ဒီကာလအတွင်းမှာ သူတို့ရဲ့ ကစားပုံဟာ ညံ့ဖျင်းခဲ့ရပြီး ဒီကစားသမား နှစ်ဦးကလည်း အတွေ့အကြုံရှိသူတွေရဲ့ ဝန်းရံမှုကို မရခဲ့ကြပါဘူး ။ ပွဲစဥ် 30 လောက်မှာတော့ သူတို့ရဲ့ ကစားပုံဟာ မှော်ဝင်နေခဲ့ပြီး ရပ်ရှ်ဖို့ ၊ ဆာလာတို့နဲ့ ခြားနားတဲ့ အဆင့်မှာ ရှိနေခဲ့ရပါတယ် ”
” ကျွန်တော်ဟာ တောင်ပံ တိုက်စစ် ကစားသမား နှစ်ဦးကို ရှာဖွေနေခဲ့တာကြောင့် ဟယ်ရီကိန်းကို မေ့လိုက်ကြပါ ။ ကျွန်တော် ရပ်ရှ်ဖို့ နဲ့ ဆာလာ တို့ကို ကြည့်ခဲ့ပါတယ် ။ သူတို့ရဲ့ ကိန်းဂဏန်းတွေက ကောင်းမွန်နေခဲ့တယ်လေ ။ ဒါပေမဲ့ ဆာကာ နဲ့ မာတင်နယ်လီ တို့ရဲ့ စွမ်းဆောင်ရည်က လက်ဖျားခါလောက်အောင် ဖြစ်ခဲ့ရပါတယ် ”
” ရပ်ရှ်ဖို့ဟာ မာတင်နယ်လီထက် တစ်ဂိုးများပါတယ် ။ ဒါပေမဲ့ သူတို့ နှစ်ယောက်ကြောင့် ဒီရာသီ အာဆင်နယ် အသင်းရဲ့ သုံးယောက်တန်း တိုက်စစ် ထူးကဲသွားတာက ဒီရာသီ ကျွန်တော့်အတွက် အမှတ်ရစရာ ဖြစ်နေတော့မှာပါ ။ ဒီအချက်ကြောင့် ကျွန်တော် သူတို့ကိုပဲ ရွေးလိုပါတယ်် ” လို့ နဗီးလ် က ပြောခဲ့လိုက်တာပဲ ဖြစ်ပါတယ် ။
#Sports_Myanmar
