လာမယ့်ရာသီ ပရီးမီးယားလိဂ် ချန်ပီယံ ဖြစ်နိုင်တဲ့ အသင်း ၆ သင်း ကို ရွေးချယ် ပေးလိုက်တဲ့ အီယန်ရိုက်

 

အီယန်ရိုက် ကတော့ ဒီရာသီ အာဆင်နယ် အသင်း ချန်ပီယံဆု နဲ့ လွဲချော် ခဲ့ရပေမယ့် သူ့အသင်းဟောင်း အတွက် ဂုဏ်ယူမိကြောင်း ပြောကြား လိုက်ပါတယ် ။ ဒါ့အပြင် အီယန်ရိုက် က လာမယ့် ရာသီမှာ အာဆင်နယ် အသင်းဟာ ပိုကောင်းလာပြီး ပြိုင်ဘက် အသင်း ၅ သင်း နဲ့ အတူ ချန်ပီယံဆုအတွက် ဆက်လက် ယှဉ်ပြိုင် နိုင်လိမ့်မယ်လို့ ယုံကြည်ကြောင်း ပြောကြား သွားခဲ့ပါတယ် ။

” ချန်ပီယံဆုနဲ့ လွဲချော်ပြီးပြီးချင်းတော့ အကြီးအကျယ် စိတ်ပျက် ရတာပေ့ါဗျာ ။ ဒါပေမယ့် ဒီအာဆင်နယ် အသင်းအတွက် အကြီးအကျယ် ဂုဏ်ယူ မိပါတယ် ၊ အာဆင်နယ် အသင်း ခြေချော်မှာပဲလို့ ပြောနေခဲ့သူတွေ နဲ့ ကျနော့်ကြားမှာ ဘာပြဿနာမှ မရှိပါဘူး ၊ ဒါပေမယ့် အာဆင်နယ် အသင်းရဲ့ အသက်အရွယ် အတွေ့အကြုံ မရှိမှု ဒဏ်ရာပြဿနာတွေကို ထည့်တွက်ဖို့ လိုပါတယ် ။ ”

LONDON, ENGLAND – DECEMBER 11: Gabriel Magalhaes of Arsenal celebrates with teammates Martin Odegaard, Ben White and Granit Xhaka after scoring their side’s third goal during the Premier League match between Arsenal and Southampton at Emirates Stadium on December 11, 2021 in London, England. (Photo by Justin Setterfield/Getty Images)

” အာဆင်နယ် က ဒီရာသီမှာ အမြင့် ပျံသန်း နေခဲ့တာပါ ၊ သူတို့ ထိုက်ထိုက်တန်တန် ပဲ အမြင့် ပျံသန်း ခဲ့တာ ဖြစ်ပါတယ် ၊ ဒါပေမယ့် မန်စီးတီး ကိုက ဩချရလောက်အောင် ကောင်းတဲ့ အသင်းပါ ၊ ရှေ့ရေးကို တွေးကြည့်မယ်ဆိုရင် ပိုချက်တီနို ချဲလ်ဆီး ကို ရောက်လာတဲ့ အပေါ် အနည်းငယ် စိုးရိမ်မိပါတယ် ၊ ချဲလ်ဆီးက လူစာရင်း အင်အား တောင့်တင်းပြီးသားပါ ။ ”

“လာမယ့်ရာသီ မန်ယူနိုက်တက် ဘာဖြစ်မယ်မှန်း မသိပေမယ့် ကာလရှည်ကြာတော့ အိပ်ပျော်နေမှာ မဟုတ်ဘူး ဆိုတာ ခင်ဗျားတို့လည်း သိကြမှာပါ ။ လီဗာပူး ကလည်း အရင်ကနေရာ ပြန်ရောက်ဖို့ ကစားသမား ခေါ်ယူမှုတွေ လုပ်ဖို့ လိုပါတယ် ၊ ဒီအသင်းတွေအပြင် မန်စီးတီး အာဆင်နယ် နှင့် နယူးကာဆယ်တို့လည်း ရှိနေပါတယ် ။ ”

” မန်စီးတီးကလည်းနောက်ဆုံး ၆ နှစ်မှာ ၅ ကြိမ် အထိ ဗိုလ်စွဲ ထားတဲ့ အသင်းပါ ၊ ရှေ့လျှောက်လည်း ဆက်လက် ဗိုလ်စွဲ နေဦးမှာပါပဲ ၊ စီးတီး ကို ကျော်ဖြတ်ပီး ဗိုလ်စွဲ ချင်တယ်ဆိုရင် အသင်းတွေ အနေနဲ့ အနည်းဆုံး ရမှတ် ၉၀ အထိ ရဖို့ လိုအပ်ပါတယ် ။ ”

” ကျနော်တို့က ပြင်သစ် နှင့် ဂျာမန်လိဂ်တွေကို တစ်သင်းတည်း ကြီးစိုးတဲ့ လိဂ်အဖြစ် ပြောနေကြပေမယ့် ပရီးမီးယားလိဂ်ကလည်း အဲ့ဒီလို ဖြစ်လာနိုင်တဲ့ လမ်းကြောင်းပေါ်မှာ ရှိနေပါတယ် ။ မန်စီးတီး ကို ရပ်တန့်ဖို့ အတွက် အာဆင်နယ် အသင်းအပြင် လီဗာပူး ၊ ချဲလ်ဆီး ၊ မန်ယူနိုက်တက် ပြန်လာနိုင်ဖို့ လိုပါတယ် ။ နယူးကာဆယ်ကလည်း အမှီ လိုက်နေတာကို တွေ့ရပါတယ် ။ ”

SM