ဘာပေ နဲ့ လူကာကူ ဂိုးသွင်းစွမ်းရည်ပြတဲ့ည ၊ အပြောင်းအရွှေ့တွေ ၊ ဒဏ်ရာအခြေအနေတွေနဲ့ . . . နံနက်ခင်း အားကစားသတင်းများ

မနေ့ ညက ကစားခဲ့တဲ့ ယူရို ၂၀၂၄ ခြေစစ်ပွဲတွေ မှာတော့ ပြင်သစ် ဟာ နယ်သာလန် အသင်းကို ၄-၀ နဲ့ ဂိုးပြတ် အနိုင် ကစားခဲ့ ပါတယ် ။ ပြင်သစ် လက်ရွေးစင် အသင်းခေါင်းဆောင် တာဝန်ကို ရယူခဲ့တဲ့ အမ်ဘာပေ ဟာ ဒီပွဲမှာ ၂ ဂိုး သွင်းပေးခဲ့ပြီး အကောင်းဆုံး ကစားသွားခဲ့ ပါတယ် ။

ဘယ်လ်ဂျီယံ ကလည်း ဆွီဒင် ကို အဝေးကွင်းမှာ ၃-၀ နဲ့ အနိုင် ကစားခဲ့ပြီး တိုက်စစ်မှူး ရိုမီရို လူကာကူ တဦးတည်းက ဟက်ထရစ် သွင်းယူသွားခဲ့ ပါတယ် ။

ဒီပွဲမှာ ၄၁ နှစ် ရှိပြီ ဖြစ်တဲ့ တိုက်စစ်မှူးကြီး ဇလာတန် အီဘရာဟီမိုဗစ် ဟာ ဆွီဒင် အသင်းအတွက် လူစားလဲ ဝင်ရောက် ကစားခဲ့ပြီး ယူရို ခြေစစ်ပွဲ သမိုင်းမှာ အသက်အကြီးဆုံး ဘောလုံးသမား ဖြစ်လာခဲ့ ပါတယ် ။

မန်ချက်စတာ ယူနိုက်တက် ကွင်းလယ်လူ ကက်စမဲရိုး ဟာ လာမယ့် မော်ရိုကို အသင်းနဲ့ ခြေစမ်းပွဲ ကစားမယ့် ဘရာဇီး လက်ရွေးစင် ဘောလုံးအသင်းရဲ့ အသင်း ခေါင်းဆောင် အဖြစ် ခန့်အပ်ခြင်း ခံခဲ့ရပါတယ် ။

ဘာစီလိုနာ နည်းပြ ဇာဗီ ကတော့ ရာသီအကုန်မှာ မန်စီးတီး နဲ့ စာချုပ်ပြည့်မယ့် ဂွမ်ဒိုဂန် ကို အရ ခေါ်ယူ ပေးဖို့ အသင်း အကြီးအကဲတွေကို တောင်းဆိုထားတယ်လို့ သိရှိရ ပါတယ် ။

ဒဏ်ရာကနေ ပြန်လည် သက်သာလာတဲ့ ချဲလ်ဆီး ကွင်းလယ်လူ အန်ဂိုလို ကန်တီ ဟာ အသင်းရဲ့ ကွင်းပိတ် ခြေစမ်းပွဲမှာ မိနစ် ၆၀ ပါဝင် ကစားသွားခဲ့တယ်လို့ သိရပါတယ် ။

ချဲလ်ဆီး ဟာ လာမယ့် သြဂုတ်လ ထဲမှာ ယူကရိန်း လက်ရွေးစင် အသင်းကို ဖိတ်ခေါ်ပြီး စတမ်းဖိုဒ့် ဘရစ် မှာ ခြေစမ်းပွဲ ကစားသွားဖို့ စီစဉ်နေတယ်လို့ သိရပါတယ် ။ အဆိုပါ ပွဲမှာ အာဆင်နယ် နောက်ခံလူ ဇင်ချန်ကို နဲ့ ချဲလ်ဆီး စတား မူဒရစ် တို့လည်း ပါဝင် ကစားကြဖို့ ရှိနေပါတယ် ။

ဘာစီလိုနာ နောက်ခံလူ ခရစ်ရှန်ဆန် ဟာ ဒိန်းမတ် နဲ့ ကစားတဲ့ ယူရို ခြေစစ်ပွဲမှာ ဒဏ်ရာ ရရှိသွားခဲ့ပြီး ၁ လ ခန့် အနားယူရဖွယ် ရှိတယ်လို့ ကြားသိရ ပါတယ် ။

အဲဗာတန် အသင်းကတော့ နောက်ဆုံး ၃ နှစ် ဆက်တိုက် ဘဏ္ဍာရေး အရှုံးပြနေမှု နဲ့ ပတ်သက်ပြီး Financial Fair Play စည်းမျဉ်းကို ချိုးဖောက်မှုတွေ ရှိလာတာကြောင့် စွဲချက်တင် ခံလိုက်ရပြီလို့ ကြားသိရ ပါတယ် ။

အဲဗာတန် အနေနဲ့ စည်းမျဉ်းချိုးဖောက်တယ်လို့ သတ်မှတ် ခံရပါက အမှတ်လျော့ ၊ ဒဏ်ငွေပေးဆောင်တဲ့ ပြစ်ဒဏ်တွေ ကျခံရနိုင်ချေ ရှိနေပါတယ် ။

SPORTS MYANMAR