အပြောင်းအရွှေ့နောက်ဆုံး နေ့ရက်မှာ ချဲလ်ဆီး အသင်း ကနေ အာဆင်နယ် အသင်းကို တစ်ရာသီ အငှား နဲ့ ပြောင်းရွှေ့ရောက်ရှိ လာခဲ့ပြီးနောက် စတာလင် က အာဆင်နယ် အသင်းကို ပြောင်းရွှေ့ကစားတာဟာ သူ့အတွက် မှန်ကန်တဲ့ ဆုံးဖြတ်ချက်လို့ ခံစားရကြောင်း ထုတ်ဖော် ပြောကြား လာခဲ့ပါတယ် ။
စတာလင် က အာဆင်နယ် အသင်းကို ပြောင်းရွှေ့လာခဲ့တာနဲ့ ပတ်သက်ပြီး ” ကျနော် တကယ် ဝမ်းသာ ပျော်ရွှင် မိပါတယ် ။ အာဆင်နယ် က ကျနော် မျှော်လင့် နေခဲ့တဲ့ အသင်းပါပဲ ၊ အရာအားလုံး ကို ကြည့်လိုက်တော့ ဒီအသင်းက ကျနော့်အတွက် အံဝင်ခွင်ကျ အဖြစ်ဆုံး အသင်း ဆိုတာ သိလိုက်ရပါတယ် ၊ လက်ခံနိုင်တာထက် ပိုတဲ့ အနေအထားဆိုတော့လည်း အတိုင်းထက် အလွန် ပျော်မိတာပေါ့ဗျာ ။ ”
” ဒီလို ဘောလုံး အသင်းမှာ ကစားရမှာက ကျနော့် အတွက် အပြီးပြည့်စုံ ဖြစ်မယ်ဆိုတာလည်း သိခဲ့ပါတယ် ။ ဒီအသင်း ရဲ့ ဆာလောင်မှု ဆန္ဒ ပြင်းပြမှုတွေက နှစ်တိုင်း မြင်နေရတာပါပဲ ၊ သူတို့ က အောင်ပွဲ အတွက် ဆက်တိုက် တွန်းအား ပေးနေတာပါ ၊ ကျနော် ကိုယ်တိုင်လည်း အဲ့ဒီလို လူစားမျိုးဆိုတော့ အံကိုက်ပါပဲ ။ ”
” ကျနော် က တစ်နှစ်ထက် တစ်နှစ် ပိုကောင်းအောင် လုပ်ပြချင်တဲ့ ကစားသမားပါ ။ အသင်းဖော်တွေ နဲ့ အဆင်ပြေပြီး ခြေစွမ်းပြ နိုင်ဖို့ မျှော်လင့် ထားပါတယ် ၊ အခုချိန်က အသင်းဖော်သစ်တွေနဲ့ တွေ့ဆုံပြီး အထိုင်ကျအောင် လုပ်ဖို့ အချိန်ပါပဲ ၊ ပွဲကစားချိန် အချို့ ရပြီး ကျနော့် အမှတ်အသား ကို ချန်ထားနိုင်ဖို့ ကြိုးစား လုပ်ဆောင် သွားမှာပါ ။ ” လို့ ပြောကြား သွားခဲ့ပါတယ် ။
SM
