သီယာရီ အွန်နရီ ကတော့ အာဆင်နယ် အသင်း အနေနဲ့ ရာသီကုန် မှာ ချန်ပီယံ အဖြစ် အောင်ပွဲ ခံချင်တယ်ဆိုရင် စိတ်ခံစားချက်တွေ ရင်ခုန်စိတ်လှုပ်ရှားမှုတွေကို ဘေးဖယ် ထားပြီး ကိုယ်ကိုယ့်ကို ထိန်းချုပ် နိုင်ဖို့ လိုအပ်ကြောင်း အကြံဉာဏ်ပေး ပြောကြား သွားခဲ့ပါတယ် ။
အွန်နရီ က CBS Sports မှာ ” မန်စီးတီး ကို ကျနော်တို့ နောက်ဆုံး အနိုင် ရခဲ့တာက ဘယ်တုန်းကလဲ ကျနော်လည်း မသိတော့ပါဘူး ။ ဒါကြောင့် မန်စီးတီး နဲ့ ကစားရမယ့် ပွဲက ခက်ခဲတဲ့ ပွဲတစ်ပွဲ ဖြစ်ပါလိမ့်မယ် ၊သူတို့နဲ့ နောက်ဆုံး ကစားခဲ့တဲ့ ပွဲရလဒ်ကြောင့် အာဆင်နယ် အသင်းအပေါ် သံသယ ဝင်နေမှာတော့ မဟုတ်ပါဘူး ။ ”
” ကျနော် ရာသီအစကတည်းက တစိုက်မတ်မတ် ပြောလာတဲ့ စကား ရှိပါတယ် ၊ emotion တွေ တအားများရင် ချန်ပီယံ မဖြစ်နိုင်ကြောင်းပါ ၊ Emotion တွေ များနေရင် ချန်ပီယံ မဖြစ်နိုင်ပါဘူး ။ Emotion တွေ များနေလျက် နဲ့ ဖလားပြိုင်ပွဲမှာ ချန်ပီယံ ဖြစ်နိုင်ပေမယ့် ၃၈ ပွဲ ကစားရတဲ့ အမှတ်ပေးလိဂ် ပွဲမှာတော့ မဖြစ်နိုင်ပါဘူး ။ ”
” ချန်ပီယံ ဖြစ်ချင်တယ်ဆိုရင် အရမ်း စိတ်လှုပ်ရှားနေလို့ မရပါဘူး ၊ အာဆင်နယ် က လက်တစ်လောမှာ စိတ်ခံစားမှုတွေ ပြင်းထန်နေတာ တွေ့ရပါတယ် ။ Passion နှင့် Emotion က ကွဲပြား ခြားနားပါတယ် ၊ စိတ်လှုပ်ရှားတာမျိုး က ဖြစ်တတ်ပေမယ့် အရမ်းကြီးစိတ်ခံစားမှု ပြင်းထန် နေလို့ မရပါဘူး ။ ”
” အာဆင်နယ် အနေနဲ့ တည်တည်ငြိမ်ငြိမ် နဲ့ ရှေ့ဆက်ဖို့ လိုပါတယ် ။ အာဆင်နယ် က မန်စီးတီး ထက် အသာရနေဆဲပါ ၊ ဒါပေမယ့် သူတို့ အနေနဲ့ ပွဲချိန်အတွင်း emotionများနေမှုကို ဖယ်ထုတ်ပြီး ကိုယ့်အလုပ်ကိုယ်လုပ်ဖို့ လိုပါတယ် ၊ ကျနော်တို့ ဒီကို ရောက်နေမယ်လို့ ဘယ်သူကမှ မမျှော်လင့်ထားခဲ့ကြပါဘူး ။ ”
” အာဆင်နယ် အသင်းသားတွေ အနေနဲ့ အခုအချိန်မှာ စိတ်ပိုင်းဆိုင်ရာ ထိခိုက်မှုတွေ ရှိကောင်း ရှိနိုင်ပေမယ့် ကျနော်တို့ စီးတီး ရဲ့ ရှေ့မှာ ရှိနေဆဲပါ ။ မန်စီးတီး က သူတို့ ကစားရမယ့် ပွဲတွေကိုရော ကျနော်တို့ကိုရော အနိုင် ကစားဖို့ လိုအပ်ပါတယ် ၊ ဒါကြောင့် အာဆင်နယ် ရဲ့ရှေ့မှာ အခွင့်အရေးက ရှိနေဆဲပါ ၊ Emotion တွေ များနေတာကိုတော့ ဖယ်ရှားနိုင်ဖို့ လိုအပ်တာပေါ့ဗျာ ။ ”
” မန်စီးတီး အသင်းဆို ပွဲရလဒ်က ဘယ်လို ဖြစ်နေ ဖြစ်နေ တည်ငြိမ်မှု ရှိရှိ နဲ့ ကစား နိုင်ပါတယ် ။ အာဆင်နယ် အသင်းကျတော့ တစ်ခါတစ်လေ ပွဲချိန်အတွင်း အနိမ့်အမြင့် အတက်အကျ တွေ ရှိပါတယ် ၊ Control မရတဲ့ အနေအထားတွေပေါ့ ၊ ဒါပေမယ့် ကျနော်တို့ စီးတီး ရဲ့ ရှေ့မှာ ရှိနေဆဲပါ ။ ”
” ကျနော်သာ အာဆင်နယ် အဝတ်လဲခန်း အတွင်းမှာ ရှိနေမယ်ဆိုရင် ” ဒါဟာ ငါတို့ အားလုံးအတွက် အခိုက်အတန့်ပဲ ၊ ဒီအခိုက်အတန့်က ငါတို့အတွက် ဖြစ်ကိုဖြစ်ရမယ် ” လို့ ပြောမှာပါ ။ အာဆင်နယ် အသင်းသားတွေ အနေနဲ့ ကြီးမားတဲ့ အခိုက်အတန့်တွေမှာ တည်ငြိမ်မှု ရှိဖို့ လိုပါတယ် ၊ ကျနော်တို့သာ လုပ်နိုင်ခဲ့ရင် တကယ့်ကို အံ့ဖွယ် စွမ်းဆောင်မှု ဖြစ်ပါလိမ့်မယ် ။ ” လို့ ပြောကြား သွားခဲ့ပါတယ် ။
SM
