ယူနိုက်တက် အတွက် ဂိုးစသွင်းနိုင်ခဲ့တဲ့ ဘစ်ဆာကာ နဲ့ လက်စွမ်းပြခဲ့တဲ့ နယူးကာဆယ် ဂိုးသမားတို့ကို ချီးကျုး ပြောဆို ခဲ့တဲ့ ဘရူနို ဖာနန်ဒက်စ်

မန်ချက် စတာ ယူနိုက်တက် အသင်းရဲ့ ကွင်းလယ် ကစား သမား ဘရူနို ဖာနန်ဒက်စ် ဟာ ယမန်နေ့ ညက ကစား ခဲ့တဲ့ ပွဲမှာ အသင်း အတွက် ပထမဆုံး ပရီးမီးယားလိဂ် သွင်းဂိုး ကို သွင်းယူ နိုင်ခဲ့တဲ့ အသင်းဖော် နောက်ခံလူ အာရွန် ဝမ် ဘစ်ဆာကာ အတွက် ဂုဏ်ယူ ကြောင်း ပြောဆို သွားခဲ့ ပါတယ် ။ ဒါ့အပြင် ပင်နယ်တီ တစ်လုံး အပါအဝင် ယူနိုက်တက် ရဲ့ ကန်သွင်းမှုတွေ ကို လက်စွမ်းပြ ကာကွယ် သွားခဲ့တဲ့ နယူးကာဆယ် ဂိုးသမား ဒါလိုး ကိုလည်း ချီးကျုး ပြောဆို သွားခဲ့ ပါတယ် ။

မန်ချက် စတာ ယူနိုက်တက် ဟာ ယမန်နေ့ က သူတို့ ရဲ့ စတုတ္ထ မြောက် ပရီးမီးယားလိဂ် ပွဲစဉ် အဖြစ် နယူး ကာဆယ် အသင်း ကို အဝေးကွင်း မှာ သွားရောက် ယှဉ်ပြိုင် ကစား ခဲ့ ပါတယ် ။ ယူနိုက်တက် နောက်ခံလူ လုခ်ရှော ဟာ ပွဲအစ ၂ မိနစ် မှာတင် ကိုယ့်ဂိုး ကိုယ် သွင်းမိခဲ့ပြီး အိမ်ရှင် တို့ကို ဦးဆောင်ခွင့် ပြုခဲ့ရ ပါတယ် ။

ဒါပေမယ့် မန်ချက်စတာ ယူနိုက်တက် ဟာ မနေ့ ညက ကစားပုံ ကောင်းခဲ့ပြီး နယူး ကာဆယ် ဘက်ကို ဖိကစား ကာ ပထမပိုင်း မှာတင် ချေပဂိုး ပြန်လည် သွင်းယူ နိုင်ခဲ့ ပါတယ် ။ ဒုတိယပိုင်း မှာတော့ မိနစ် ၈၀ အထိ သရေ ကျနေ ခဲ့ပေမယ့် လက်ကျန် မိနစ်တွေ မှာ ယူနိုက်တက် က ၃ ဂိုး သွင်းကာ အနိုင် ရလဒ် ကို ယူဆောင် နိုင်ခဲ့ ပါတယ် ။

 

ဖာနန်ဒက်စ် ဟာ ယူနိုက်တက် ရဲ့ ချေပဂိုး ကို သွင်းပေး ခဲ့ပေမယ့် ဖန်တီးသူ ဟွမ်မာတာ လူကျွံ ခဲ့တာကြောင့် ဂိုးမရ ခဲ့ ပါဘူး ။ ဒုတိယပိုင်း မှာလည်း ပင်နယ်တီ ကန်ခွင့် ရခဲ့ ပေမယ့် နယူး ကာဆယ် ဂိုးသမား ဒါလိုး က ပုတ်ထုတ် ကာကွယ် နိုင်ခဲ့ ပါတယ် ။ ဒါဟာ ဖာနန်ဒက်စ် ရဲ့ မန်ချက်စတာ ယူနိုက်တက် ကစား သမား ဘ၀ မှာ ပထမဆုံး အကြိမ် အဖြစ် ပင်နယ်တီ မဝင် ခဲ့တာလည်း ဖြစ်လာခဲ့ ပါတယ် ။

“သူ့အတွက် ( ဒါလိုး ) ဂုဏ်ယူ ပါတယ် ၊ ဒါဟာ ပရီးမီးယားလိဂ် မှာ ကျွန်တော့ ရဲ့ ပင်နယ်တီ ကို ကာကွယ် နိုင် ခဲ့တဲ့ ပထမဆုံး ဂိုး သမားပါ” လို့ ဖာနန်ဒက်စ် က ပွဲ အပြီး မှာ သတင်းထောက် ကို ပြောဆို ခဲ့ ပါတယ် ။ ဒါ့အပြင် အသင်းအတွက် ပထမဆုံး ပရီးမီးယားလိဂ် သွင်းဂိုး ကို သွင်းယူနိုင် ခဲ့တဲ့ နောက်ခံလူ ဘစ်ဆာကာ ကိုလည်း “သူ ကန်နိုင် တယ် ဆိုတာ ကျွန်တော်တို့ မသိခဲ့ ကြဘူးဗျ” လို့ ပြောဆို သွားခဲ့ ပါတယ် ။

ပင်နယ်တီ မဝင်ခဲ့ပေမယ့် ဖာနန်ဒက်စ် ဟာ မိနစ် ၈၀ ကျော် မှာတော့ ရက်ဖိုဒ့် ပေးလိုက်တဲ့ ဘောလုံး ကို ထောင့်ကျဉ်း အနေ အထား ကနေ လှလှ ပပ ကန်သွင်းပြီး ယူနိုက်တက် ကို ဦးဆောင်စေ ခဲ့ ပါတယ် ။ ၉၅ မိနစ် မှာလည်း ရက်ဖိုဒ့် ဂိုးသွင်း နိုင်ဖို့ ဖန်တီးပေး ခဲ့ပြီး ၄ – ၁ နဲ့ ပွဲ ကို အဆုံးသတ် စေခဲ့ ပါတယ် ။

ယူနိုက်တက် ဟာ ဒီနိုင်ပွဲ ကြောင့် ၄ ပွဲ ကစား အပြီးမှာ ၆ မှတ် ရရှိ ထားပြီး အမှတ်ပေး ဇယား ရဲ့ အဆင့် ၁၀ ပြင်ပမှာ ဖြစ်နေ ပေမယ့် ပွဲကျန် တစ်ပွဲ ကျန်ရှိ နေသေးတာ ကြောင့် အဆင့် ၄-၅-၆ က အသင်းတွေ ကို ရုတ်ချည်း လိုက်မီ နိုင်မယ့် အခွင့်အရေး ကို ပိုင်ဆိုင် ထားခဲ့ ပါတယ် ။

မန်ချက် စတာ ယူနိုက်တက် ဟာ လာမယ့် ကြားရက် မှာတော့ ချန်ပီယံလိဂ် အုပ်စု အဖွင့် ပွဲစဉ် အဖြစ် PSG အသင်း နဲ့ ယှဉ်ပြိုင် ကစား ရမှာ ဖြစ်ပြီး နောက် အပတ် မှာတော့ ပရီးမီးယားလိဂ် ပွဲစဉ် အဖြစ် ချဲလ်ဆီး နဲ့ ယှဉ်ပြိုင် ကစား သွားရ မှာပဲ ဖြစ် ပါတယ် ။

SPORTS MYANMAR